يابحر ما بين مدك وجزرك تاهت قلوب الناس
تاهت خطاوي حبهم وراحت مع الهوجاس
مدري يحب او مايحب مدري صدق والاكذب
بس المهم انه لقي وحده وخلاص
جاتك تناجي قوتك ترمي الهموم بسكتك
ترجي قصص من حبهم يمكن تنسي بعدهم
نسيت اخلاصك لهم
كتمان موجك لسرهم
شافت حزنك وحزنهم
بس السلات هو قصدها
يابحر تكفى قرب لها
وانثر على جفاف السنين
قطرات من حر الحنين
من حرهم وحرها
من شوقهم وشوقها
من جود مكنون البشر
في قعر عمقك يابحر
تلقى غرابيل القصص
في الحب دوم شي(ن) نقص
وهم طار مع اسراب الحمام
مع بدر كمله التمام
بس يابحر هات العبر
لاتفضح من ربي ستر
قول ان الحب ماعمره كمل
لالا ولا منه امل
يكمل لواحد في الازل
والحين بعدما طاحت اهمومي مع ادموعي
عود لجزرك واندثر
واغرق معاليق الصور
اللي بوسطك ارتمت
واللي جاتك واحتمت
تبغى النجاة بمدكم
والا الغرق في جزركم
يازائر امواج الكدر
فتش عن الهام العبر
تلقى الاله بكل شي
موجود واحنا نُختبر
ليست هناك تعليقات:
إرسال تعليق